නිකවැරටිය මහසෙන් ජාතික පාසල් පිහිනුම් තටාක ප්‍රේක්ෂකාගාරයේ වහලය ගැලවී යාම සහ අසුන් ගැනීමේ පහසුකම් නොමැති වීමෙන් එහි රැඳී සිටින පිරිස් දැඩි අපහසුතාවට ලක්ව ඇති බව ජනතාව පවසති.
පාසල් දරුවන් මීට පෙර මාගල්ල ජලාශයේ පිහිනුම් පුහුණුවීම් සිදු කරමින් සිටින අවස්ථාවක, කොළඹ පාසල් දරුවන්ට හිමි පහසුකම් ගමේ දරුවන්ටද ලබා දෙමින් මීට වසර කිහිපයකට පෙර හිටපු අමාත්‍ය ජොන්ස්ටන් ප්‍රනාන්දු මහතා විසින් මහසෙන් ජාතික පාසලට මෙය ලබා දී ඇත.
පිහිනුම් තටාක ප්‍රේක්ෂකාගාරයේ වහලය ගැලවී ගොස් දිගු කලක් ගතව ගියද, මේ දක්වා එය ප්‍රතිසංස්කරණය කර නොමැති බවද, අසුන් ගැනීමටද කොන්ක්‍රීට් බංකු හෝ නොමැති බවද, මෙම තත්ත්වයන් යථා තත්ත්වයට පත් කිරීමට පියවර ගන්නා ලෙසද ජනතාව බලධාරීන්ට අවධාරණය කර සිටිති.
නිකවැරටිය අධ්‍යාපන කොට්ඨාසයේ දරුවන්ට හිමි වී ඇති මෙම වටිනා සම්පත සුරක්ෂිත කර ගැනීමට පියවර ගත යුතු බවද ජනතාව පවසා සිටිති.
