114
මොනරාගල නගරය සහ අවට මාර්ගවල නිදැල්ලේ සැරිසරන ගවයින් නිසා වාහන හිමියන්ට, ඉඩම් හිමියන්ට සහ පදිකයින්ට විවිධ දුෂ්කරතාවන් සිදුවේ. ගවයින් පාර හරහා පැනීමෙන් නිතර වාහනවලට අනතුරු සිදුවන අතර නගරයේ පදික වේදිකාවේ ගමන් කරන අයට මෙන්ම ඉඩම් හිමියන්ගේ වගාවලටද හානි පැමිණේ.
ඊට පිළියමක් වශයෙන් නිදැල්ලේ හැසිරෙන ගවයින් ඇල්ලීමේ වැඩසටහනක් දියත්කර එසේ අල්ලාගන්නා ගවයින් හිමිකරුවන් පැමිණියහොත් වන්දි මුදලක් ලබාගෙන නිදහස් කිරීමටත් අයිතිකරුවන් දින දහයක් තුළ ඉදිරිපත් නොවුණහොත් වෙන්දේසි කිරීමට පියවර ගන්නා බවත් අල්ලන ලද ගවයින් පැරැණි ප්‍රජාශාලා භූමියේ ගාල්කර අවශ්‍ය ආහාර ලබාදෙන බවත් මොනරාගල ප්‍රාදේශීය සභාවේ ලේකම් යූ. සෝමලතා පෙරේරා මහත්මිය පැවසුවාය.
