තුත්ති­රි­පි­ටිය දුම්රිය හරස් මාර්ග­යේදී මෝටර් රථ­යක් දුම්රි­යක ගැටෙයි

කැල­ණි­වැලි දුම්රිය මාර්ගයේ අවි­ස්සා­වේල්ල සිට කොළඹ කොටුව දක්වා ධාව­නය වූ කාර්යාල දුම්රියේ, ඊයේ (20) පෙර­ව­රුවේ ලිය­න්වල තුත්ති­රි­පි­ටිය දුම්රිය හරස් මාර්ග­යේදී මෝටර් රථ­යක් ගැටී අන­තු­රක් සිදුවී ඇතැයි මීගොඩ පොලි­සිය පව­සයි.  අවි­ස්සා­වේල්ල සිට කොළඹ කොටුව දක්වා ධාව­නය වූ මෙම දුම්රිය, පෙර­වරු 7.30ට පමණ පාදුක්ක දුම්රිය ස්ථාන­යෙන් ගමන් ආරම්භ කර ධාව­නය වන අව­ස්ථා­වේදී, මෙම ස්ථානයේ ඇති අතුරු මාර්ගයේ සිට ධාව­නය වූ මෝටර් රථය දුම්රියේ ඉදි­රි­පස ගැටී ඇත. අන­තුර සිදු­වන අව­ස්ථාවේ දුම්රිය හරස් මාර්ගයේ ඇති ගේට්ටුවේ මුර­ක­රු­වකු සිට නොමැති බවත්, මෙම අන­තු­රින් කිසි­ව­කු­ටත් ජීවිත හානි­යක් සිදුවී නොමැති බවත් පොලී­සිය කියයි. මීගොඩ පොලිස් ස්ථානා­ධි­ප­තිගේ උප­දෙස් මත රථ වාහන අංශයේ නිල­ධා­රීහු සිද්ධිය සම්බ­න්ධ­යෙන් වැඩි­දුර පරී­ක්ෂණ පව­ත්වති.