අඟුණකොළපැලැස්ස බන්ධනාගාරය තුළට ගුද මාර්ගයේ සඟවා ගෙන දුම්කොළ සුරුට්ටු හතරක් රැගෙන ආ රැඳවූවකු බන්ධනාගාර නිලධාරීන් විසින් පෙරේදා (19) අත්අඩංගුවට ගනු ලැබූහ.
අඟුණකොළපැලැස්ස බන්ධනාගාරයේ රඳවා සිටි මෙම රැඳවූවා තිස්සමහාරාම මහේස්ත්‍රාත් අධිකරණයේ විභාග වන නඩුවකට ඉදිරිපත් කර නැවත බන්ධනාගාරයට රැගෙන විත් සිර මැදිරිවලට දැමීමට පෙර පරීක්ෂා කිරීමේදී සඟවා ගෙන සිටි දුම්කොළ සුරුට්ටු සොයාගත් බව බන්ධනාගාරයේ ප්‍රකාශකයෙකු පැවසීය.
බන්ධනාගාරය තුළට තහනම් ද්‍රව්‍ය රැගෙන ආ රැඳවූවා ලුණුගම්වෙහෙර නවනගරයේ එකමුතුගම ප්‍රදේශයේ පදිංචිකරුවෙකි. රැඳවූවා වැඩිදුර විමර්ශන කටයුතු සඳහා විනය අංශයට භාර දී තිබේ.
අඟුණකොළපැලැස්ස බන්ධනාගාර අධිකාරි සම්පත් මහානාම මහතාගේ අධීක්ෂණය යටත් එහි විනය අංශය සිද්ධිය ගැන වැඩිදුර පරීක්ෂණ පවත්වයි.
