18
නෙළුව තිනියාවල ධනවල ප්‍රදේශයේ පදිංචි එකොළොස් හැවිරිදි පාසල් දරුවකු බැලුම් බෝලයක් සිරවීමෙන් මිය ගොස් ඇතැයි නෙළුව පොලීසිය පවසයි. මියගිය පාසල් දරුවා සිය නැගණිය සමඟ පෙරේදා (19) පස්වරුවේ නි‍ෙවසේ සෙල්ලම් කරමින් සිට ඇති අතර, එහිදී මේ දරුවා බැලුම් බෝලයක් මුඛයේ රඳවාගෙන සෙල්ලම් කරමින් සිට ඇතැයි වාර්තා වෙයි. පසුව බැලුම් බෝලය දරුවාගේ උගුරේ සිරවී ඇති අතර, මොහු නෙළුව රෝහලට ඇතුළත් කර ඇති නමුත් ඒ වන විටත් දරුවා මියගොස් සිටි බැව් රෝහල් ආරංචි මාර්ග සඳහන් කරයි. මියගොස් ඇත්තේ නෙළුව ප්‍රදේශයේ ප්‍රාථමික විද්‍යාලයක පහ ශ්‍රේණියේ ඉගෙනුම ලබන සිසුවෙකි. මියගිය පාසල් සිසුවාගේ පශ්චාත් මරණ පරීක්ෂණය ඊයේ (20) උඩුගම රෝහලේදී පැවැත්වීමට නියමිතව තිබිණි.
