28
උඩුනුවර ශ්‍රී සම්බුද්ධ රාජමහා විහාරාධිපති ප්‍රවීණ ගීත රචක සාහිත්‍යධර සමස්ත ලංකා සාමවිනිසුරු සන්සුන්ගම ඤාණරතන හිමි විසින් ලියන ලද යුග පෙරළිය හා පුරවැසි වගකීම සහ අක්ෂර ගී රස සිංහල අක්ෂර මාලාවේ ගීත පෙළහැර යන ග්‍රන්ථ ද්විත්වය අනිද්දා (23) දින පස්වරු 2.00ට මහනුවර මහවැලි රීච් හෝටල් පරිශ්‍රයේදී ජනගත කිරීමට නියමිතය. මෙම උත්සවයේ මූලාසනය අස්ගිරි පාර්ශ්වයේ මහා ලේඛකාධිකාරී රාජකීය පණ්ඩිත මැදගම ධම්මානන්ද මාහිමිපාණන් වහන්සේ විසින් හොබවනු ලබයි. ප්‍රධාන ආරාධිත අමුත්තා ලෙස සෞඛ්‍ය හා ජනමාධ්‍ය නියෝජ්‍ය අමාත්‍ය වෛද්‍ය හසංක ජයමුණි මහතා ද ගිහි පැවිදි සම්භාවනීය අමුත්තන් රැසක් ද මෙම උත්සවයට සහභාගි වීමට නියමිතය.
