දේශීය ආදායම් දෙපාර්තමේන්තුවේ 39 වැනි දේශීය ආදායම් කොමසාරිස් ජනරාල්වරිය ලෙස පත්වීම් ලැබූ රුක්දේවී ප්‍රනාන්දු මහත්මිය ඊයේ (20) නිල රාජකාරි කටයුතු ආරම්භ කරනු ලැබීය.
මුදල්, ක්‍රමසම්පාදන සහ ආර්ථික සංවර්ධන අමාත්‍ය වශයෙන් ජනාධිපති අනුර කුමාර දිසානායක මහතා ඉදිරිපත් කළ යෝජනාවක් පරිදි අමාත්‍ය මණ්ඩලය මඟින් නව දේශීය ආදායම් කොමසාරිස් ජනරාල් වශයෙන් රුක්දේවී ප්‍රනාන්දු මහත්මිය පත්කරනු ලැබීය.
ඒ මහත්මිය 1999 වසරේදී තක්සේරුකරුවකු ලෙස දේශීය ආදායම් සේවයට එක්වූ අතර ඇය, ජ්‍යෙෂ්ඨ තක්සේරුකරුවකු, නියෝජ්‍ය කොමසාරිස්, කොමසාරිස් හා ජ්‍යෙෂ්ඨ කොමසාරිස් ලෙස උසස් වීම් ලබා විශේෂ ශ්‍රේණියේ තනතුරක් වන නියෝජ්‍ය කොමසාරිස් ජනරාල්වරියක ලෙස කටයුතු කරමින් සිට දෙපාර්තමේන්තුවේ 39 වැනි කොමසාරිස් ජනරාල් ලෙස ඊයේ (20) නිල රාජකාරි කටයුතු භාර ගන්නා ලදි.
