34
මහියංගණය අවට ගම්මාන රැසකට එල්ල වන වන අලි ප්‍රහාරවලට එරෙහිව මහියංගණ, දෙහිගොල්ල පූර්වාරාමයේ අම්බාලේ රතන හිමියන් ප්‍රමුඛ ගම්වාසීහු පදියතලාව මහියංගණ ප්‍රධාන මාර්ගයේදී පෙරේදා (19) විරෝධතාවක නිරත වූහ.
විරෝධතාකරුවෝ පා ගමනින් මහියංගණ නගරයට පැමිණ වන අලි ගැටලුවට බලධාරීන්ගෙන් විසඳුම් ඉල්ලා පැයක පමණ කාලයක් විරෝධතාවයේ නිරත වූහ.
ඒ හේතුවෙන් මහියංගණ මහනුවර ප්‍රධාන මාර්ගයේ ගමනාගමනය පැය දෙකක පමණ කාලයක් සම්පූර්ණයෙන් අඩාළ විය. සිදුවූ අවහිරතාව හේතුවෙන් මාර්ගයේ ගමන් ගත් පිරිස සහ විරෝධතාකරුවන් අතර උණුසුම් තත්ත්වයක් ද ඇතිවූ අතර, පසුව පොලිසිය මැදිහත්ව මාර්ගයේ එක් මංතීරුවක් විවෘත කර දුන්නේ දැඩි පරිශ්‍රමයක් දරමිනි.
