ඉතියෝපියාවේ ඕමිනියා ප්‍රාන්තයේ ආයුධ සන්නද්ධ කණ්ඩායමක් මගීහු 51 දෙනකු රැගත් බස් රථයක් පැහැරගෙන ගොස් ඇතැයි විදෙස් මාධ්‍ය වාර්තා කරයි. අවි ගත් පුද්ගලයන් මගී බස් රථ තුනකට වෙඩි ප්‍රහාරයක් එල්ල කර ඇතැයි ද, ඉන් බස් රථ දෙකක් ප්‍රහාරය මඟ හැර පලා යෑමට සමත් වී ඇතැයි ද විදෙස් මාධ්‍ය වැඩිදුරටත් වාර්තා කරයි. පැහැර ගැනීමට ලක්වී ඇත්තේ අම්හාරා ප්‍රාන්තය බලා ධාවනය වූ බස් රථයක් බවත්, එහි සිටි මගීහු රහසිගත ස්ථාන කරා රැගෙන ගොස් ඇති බවත් ඉතියෝපියාවේ මාධ්‍ය වාර්තා උපුටා දක්වමින් විදෙස් මාධ්‍ය සඳහන් කරයි.
බස් රථය පැහැර ගැනීම සම්බන්ධව ඉතියෝපියානු රජය මෙතෙක් නිවේදනයක් නිකුත් කර නැති අතර, ප්‍රාදේශීය මාධ්‍ය වාර්තාවලට අනුව ඕමිනියා ප්‍රාන්තයේ ආරක්ෂක හමුදාව බස් රථය සහ එහි සිටි පුද්ගලයන් සොයා මෙහෙයුමක් ආරම්භ කර ඇතැයි වාර්තා වේ.
