දෙහිවල පොලිස් කොට්ඨාසය තුළ මහා පරිමාණයෙන් හෙරොයින් ජාවාරමේ නියුතු කාන්තාවක් ගැනුම්කරුවකු පැමිණෙනතුරු හෙරොයින් මිලිග්‍රෑම් 10360ක් සන්තකයේ තබාගෙන සිටියදී දෙහිවල පොලීසියේ දූෂණ මර්දන ඒකකය මඟින් දෙහිවල දුම්රියපොළ පිටුපස වෙරළ තීරයේදී පෙරේදා (18) අත්අඩංගුවට ගෙන ඇතැයි පොලීසිය පැවසීය.
සැකකාරිය දෙහිවල දුම්රියපොළ පිටුපස වෙරළ තීරයේ පදිංචිව සිටින වයස අවුරුදු (26)ක කාන්තාවක් වන අතර, තොග වශයෙන් රැගෙන එනු ලබන හෙරොයින් නිවෙසේ සිට පැකට්කර දෙහිවල, ගල්කිස්ස, පිළියන්දල, මොරටුව, බොරලැස්ගමුව, වැල්ලවත්ත, කොහුවල යන ප්‍රදේශවලට දීර්ඝකාලීනව බෙදාහැර ඇති බවට අනාවරණය වී ඇතැයිද පොලීසිය පැවසීය.
දූෂණ මර්දන ඒකකයේ අභිනව ස්ථානාධිපති උප පොලිස් පරීක්ෂක බිනර රණසිංහ මහතා රාජකාරි භාරගත් දෙවැනි දිනයේදීම පෞද්ගලික ඔත්තුකරුවකුගෙන් ලද තොරතුරකට අනුව මෙම වැටලීම සිදුකර ඇත.
