Home » පාසල් සිසු­විය පැහැ­ර­ගත් කොන්දො­ස්තර අත්අ­ඩං­ගු­වට

පාසල් සිසු­විය පැහැ­ර­ගත් කොන්දො­ස්තර අත්අ­ඩං­ගු­වට

by Gayan Abeykoon
March 20, 2025 4:00 pm 0 comment

සොර­ණා­තොට සමූහ - සී. ගමගේ

බදුල්ල නග­රයේ ප්‍රධාන පෙළේ පාස­ලක ඉගෙ­නුම ලබන 15 හැවි­රිදි බාල­ව­ය­ස්කාර පාසල් සිසු­වි­යක පැහැ­ර­ගෙන යමින් සිටි බව කියන 22 හැවි­රිදි පෞද්ග­ලික බස් රථ කොන්දො­ස්ත­ර­ව­ර­යකු පාසල් සිසු­වි­යත් සමඟ හාලි­ඇළ ප්‍රදේ­ශයේ දී ඊයේ (19) සැක­පිට අත්අ­ඩං­ගු­වට ගත් බව හාලි­ඇළ පොලී­සිය පව­සයි.

හාලි­ඇළ, බෝග­ස්තැන්න ප්‍රදේ­ශයේ පදිංචි 22 හැවි­රිදි මුස්ලිම් ජාතික පෞද්ග­ලික බස් රථ කොන්දො­ස්ත­ර­ව­ර­යකු මෙසේ අත්අ­ඩං­ගු­වට ගනු ලැබි­ණැයි පොලී­සිය පව­සයි.

පොලී­සිය භාර­යට ගත් හාලි­ඇළ, රොක­තැ­න්න­වත්ත පදිංචි බදුල්ල නග­රයේ ප්‍රසිද්ධ පාස­ලක ඉගෙ­නුම ලබන 15 හැවි­රිදි බාල­ව­ය­ස්කාර පාසල් සිසු­විය වෛද්‍ය පරී­ක්ෂ­ණ­යක් සඳහා බදුල්ල ශික්ෂණ රෝහ­ලට ඇතු­ළත් කර ඇත.  මෙම දැරි­යගේ පියා කුරු­ණෑ­ගල ප්‍රදේ­ශයේ රැකි­යා­වක් කරන බවත්, මව දරු­වන් සමඟ නි‍ෙවසේ සිට ඇති බවත් පොලී­සිය සඳ­හන් කළේය.

එසේ සිටි­යදී මෙම සැක­කාර පෞද්ග­ලික බස් රථ කොන්දො­ස්ත­ර­ව­රයා මෙම සිසු­විය සමඟ ප්‍රේම සබ­ඳ­තා­වක් හොර රහසේ පව­ත්වා­ගෙන ගොස් ඇති බවත් පොලී­සිය පව­සයි.

දැරිය නි‍ෙවසේ නොමැති බවට මව විසින් හාලි­ඇළ පොලී­සි­යට කළ පැමි­ණි­ල්ලක් මත ක්‍රියා­ත්මක වූ හාලි­ඇළ පොලී­සිය ලැබුණු තොර­තු­රක් මත ප්‍රදේ­ශයේ සිදු කළ මෙහෙ­යු­ම­කදී සැක­කාර තරු­ණයා සමඟ සිසු­විය මෙලෙස අත්අ­ඩං­ගු­වට ගනු ලැබූ බව පොලී­සිය වැඩි­දු­ර­ටත් සඳ­හන් කර සිටි­යේය.

 

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT