මහියංගණය, කොට බකිණිය හා දඹාන ජන උරුම කෞතුකාගාරයේ නවීකරණ කටයුතු මේ වන විට සිදුවෙමින් තිබේ. එහි ඉදිරි කටයුතු සැලසුම් කර ගැනීම සඳහා නිලධාරීහු රැසක් එකතු වී සාකච්ඡා කළහ.
කෞතුකාගාරයේ වහලය ඉදිකිරීම, කෞතුක වස්තු දිලීර වර්ගවලින් සහ වවුලන් ආදී සතුන්ගෙන් ආරක්ෂා කිරීම,
අලංකරණය සඳහා චිත්‍ර නිර්මාණය කිරීම, කෞතුක වස්තු තැන්පත් කිරීමට දැව ආධාරක සකස් කිරීම, කෞතුකාගාරය සමීප භූමි අලංකරණය මෙන්ම කෞතුකාගාරය පවත්වාගෙන යෑම තිරසරභාවය සඳහා පරිපාලන ක්‍රමවේදයක් සකස් කිරීම ආදී කරුණු කාරණා රැසක් මෙහිදී සාකච්ඡා කළහ.
මෙම කරුණු සාකච්ඡා කිරීම සඳහා වැදිජන නායක, විශ්වකීර්ති වන්නියලැත්තන්, මහාචාර්ය ඇලෙක්සැන්ඩර් මහතා, ආචාර්ය ඔසාන් වෙදගේ මහතා, මහියංගණ සහකාර ප්‍රාදේශීය ලේකම් අෂානි විජේසේකර මහත්මිය, සංස්කෘතික නිලධාරිනී ප්‍රසාදි ජීවප්‍රිය මහත්මිය, තාක්ෂණික නිලධාරි නුවන් ප්‍රදීප් මහතා සමඟ ග්‍රාම නිලධාරී සුසන්ත ධර්මදාස මහතා ඇතුළු පිරිසක් සහභාගි වූහ.
