87
දේශබන්දු තෙන්නකෝන් මහතාගේ හෝකන්දර නිවෙස පරීක්ෂාවේදී පොලිස් භාරයට ගත් ඇපල් වර්ගයේ ජංගම දුරකතන දෙක මඟින් තොරතුරු රැසක් අනාවරණය කරගත හැකි වෙතැයි මහජන ආරක්ෂක සහ පාර්ලිමේන්තු කටයුතු ඇමැති ආනන්ද විජේපාල මහතා පාර්ලිමේන්තුවේදී ඊයේ (19) පැවසීය.
නිවෙස පරීක්ෂා කිරීමෙන් පසුව විදේශීය මත්වතුර බෝතල් 795ක්, වයින් බෝතල් 214ක් පොලීසිය භාරයට ගත් බව ද අමාත්‍යවරයා පැවසීය.
දේශබන්දු තෙන්නකෝන් මහතාගේ ගිනි අවිය ලෙස සැලකෙන පිස්තෝලයක් අපරාධ පරීක්ෂණ දෙපාර්තමේන්තුව අත්අඩංගුවට ගත් බව ද ඇමැතිවරයා ප්‍රකාශ කළේය.
අධිකරණයට භාර වූ දේශබන්දු තෙන්නකෝන් මහතා සම්බන්ධයෙන් විශේෂ ප්‍රකාශයක් සිදු කරමින් ඇමැතිවරයා මේ බව කියා සිටියේය.
