ඉන්දියාව සහ නවසීලන්තයට අතර නිදහස් වෙළෙඳ ගිවිසුම සම්බන්ධව වසර 10කට පසු යළි සාකච්ඡා ආරම්භ වූ බව ඉන්දීය මාධ්‍ය වාර්තා කරයි. නවසීලන්ත අගමැති ක්‍රිස්ටෝපර් ලක්සන්ගේ සිවුදින ඉන්දීය සංචාරයට සමගාමීව එම සාකච්ඡා ආරම්භ වී ඇතැයි එරට මාධ්‍ය වැඩිදුරටත් වාර්තා කරයි. වසර 2015න් පසු පළමුවරට දෙරට අතර නිදහස් වෙළෙඳ ගිවිසුම සඳහා ඉන්දියාවේ වාණිජ හා කර්මාන්ත ඇමැති පියුෂ් ගෝයල් සහ නවසීලන්තයේ වෙළෙඳ හා ආයෝජන ඇමැති ටොඩ් මැක්ලේ අතර පැවැති හමුවකින් පසුව එම ඓතිහාසික ගිවිසුම සම්බන්ධව මූලික කරුණු සාකච්ඡාවට ලක්වී ඇතැයි ඉන්දීය මාධ්‍ය සඳහන් කරයි.
ඉන්දියාව සහ නවසීලන්තය අතර භාණ්ඩ හා සේවා, ආයෝජන සහ ඒ ආශ්‍රිත ගැටලු විසඳාගනිමින් ද්විපාර්ශ්වික වෙළෙඳාම ශක්තිමත් කිරීමට අවධානය යොමු වූ බව නිවේදනයක් නිකුත් කරමින් ඉන්දීය රජය ප්‍රකාශ කර තිබේ.
