සැඟවුණු අමුත්තා සොයන්න
අද්භූත මනසේ නොවිසඳුණු රහස් හෙළි කිරීමට සිය අත්දැකීම් සහ පරිකල්පනය ඇසුරෙන් රචනා කළ නවකතාවකි. මේ ඉතාමත් සංයමයෙන් කළ නිර්මාණයකි. සීරු මාරු සිතිවිලිවල ගැඹුරුකම මනාව ඉස්මතු කරමින් මිනිස් සිතිවිලි මානයේ අඳුරු පරාසයකට ළඟා වීම මෙහි දක්නට ලැබෙයි. ස්වාමිපුරුෂයෙකුට හෝ භාර්යාවකට හෝ නොකිලිටි ශරීරයක් අනෙකාට පිළිගැන්විය හැකි නමුත් නෝ කිලිටි සිතක් පිළිගැන්විය හැකිදැයි මෙයින් කතුවරිය ප්‍රශ්න නගයි. මෙහි සැඟවුණු අමුත්තා හමුවන්නේ කුතුහලය සහ පාරිකල්පන විඤ්ඤාණය හමුවන සන්ධිස්ථානවලදීය.
කර්තෘ – ශිරාණි වීරසිංහ
ප්‍රකාශනය – මලිදුව ප්‍රකාශකයෝ
මිල – රු. 600=කි.
හතළිස් ඇඳිරියට පෙර
මෙය කතුවරියගේ කුලුඳුල් කාව්‍ය සංග්‍රහයයි. මෙහි නිසඳස් සහ සඳැස් කවි පන්ති 46 කි. වෘත්තියෙන් නීතිඥවරියක හා නීති පිඨාධිපතිනියක වශයෙන් කටයුතු කරන කාංචනමාලා ගීකියනගේ හතළිස් වසරක සිහින, අරුන්දති තාරකාව, රස මතක, දරු දුක, අයියා, මව්වත්කම, මගේ පුනරුත්පත්තිය, දූලි තිලක, විරාගී ආදරය, අවබෝධය, නීතිය, ස්ත්‍රී දූෂකයකුට බිරිඳ වීම, මෙහෙමයි සිදුවුණේ යනාදී වශයෙන් කාව්‍ය සංග්‍රහ නම් කොට ඇත. කිවිදිය විසින් තම අත්දැකීම වඩාත් කාව්‍යාත්මකව ධ්වනිපූර්ණ බසකින් තැනට උචිත ආකෘතියකින් තෝරා ගැනීමට සමත් වී ඇත.
කර්තෘ – කාංචනමාලා ගීකියනගේ
ප්‍රකාශනය – සරසවි ප්‍රකාශකයෝ
මිල – රු. 600= කි.
Atomic Habits දකින්න වෙනස්ව ජීවිතය
ලොව ප්‍රකට විශේෂඥ සේම ගත්කතුවරයකු වන ජේම්ස් ක්ලියර් විසින් මෙම කෘතිය සම්පාදනය කර ඇත. ලොව පුරා මිලියන ගණනකගේ ජීවිත සාර්ථක කර Atomic Habits කෘතිය සමත් වී ඇත. සියුම් පුරුදුවලින් මහත් වෙනසක් සිදුවන්නේ ඇයි ?, එයාගේ පෙනුම හොඳ මදි, ආකර්ෂණය කර ගැනීම, පහසු දායක කර ගැනීම, තෘප්තිදායක කරගැනීම යන අධ්‍යාකාරයේ පරිච්ඡේද යටතේ මෙය විග්‍රහ කොට ඇත.
පරිවර්තනය – නිරන්ජන් චාමින්ද කරුණාතිලක.
ප්‍රකාශනය – ඇම්.ඩි. ගුණසේන සහ සමාගම.
මුල – රු. 1000= කි.
සැබෑ මිනිසෙකුගේ කතාවක්
රුසියන් ලේඛක, බරීස් පලෙවොයි විසින් පැරණි රුසියන් සෙබළෙකුගේ ජීවන අන්දරේ පසුබිම් කොට ගෙන ලියූ නවකතාවකි. අලෙක්සේයි මෙරේස්යෙව් (1916- 2001) කතාවට පසුවෙන් වූ සත්‍ය පුද්ගලයායි. මොහු සෝවියට් ජනතාවගේ සියලු යහ ගුණයන් කැටි කොට පෙන්වන ආකෘතික චරිතයක් ලෙසින් හඳුන්වයි.
මෙම නවකතාව කොටස් හතරකින් පෙළගස්වා ඇත. සත්‍ය ඡායාරූප ද පෙළගස්වා ඇත. පිටු 268 කින් යුක්තය.
අනුවාදක – දැඩිගම වී. විරුද්‍රිගු
ප්‍රකාශනය – සීමා සහිත ඇම්.ඩී. ගුණසේන සහ සමාගම.
මිල – රු. 900=
