පළාත් පාලන මැතිවරණයේ නාමයෝජනා භාරගැනීම අවසන්

පළාත් පාලන මැතිවරණයේ නාමයෝජනා භාරගැනීම අද (20) දහවල් 12ට අවසන් වුණි.

ඒ අනුව විරෝධතා ගොනුකිරීම සඳහා අද දහවල් 1.30 දක්වා කාලය ලබාදී ඇති බව මැතිවරණ කොමිසම පැවසුවේය.

පළාත් පාලන ආයතන 336ක් සඳහා නාමයෝජනා භාරගැනීමේ කටයුතු පසුගිය 17 වැනිදා සිට ආරම්භ කෙරුණි.

නාමයෝජනා භාරගැනීමෙන් පසු මැතිවරණය පැවැත්වීමේ දිනය ප්‍රකාශයට පත් කිරීමට නියමිතය.

පළාත් පාලන මැතිවරණයට අදාළ ඇප මුදල් තැන්පත් කිරීමේ කටයුතු ද ඊයේ (19) දිනයෙන් අවසන් කෙරුණි.