දකුණු ඔස්ට්‍රේලියාවේ ඇඩිලේඩ්හි කොන්කෝඩියා ඕවල් ක්‍රීඩාංගණය අවට අධික උෂ්ණත්වය මැද ක්‍රීඩා කරමින් සිටියදී ක්‍රිකට් ක්‍රීඩකයෙක් ඇද වැටී මිය ගියේය. ඔස්ට්‍රේලියානු මාධ්‍ය වාර්තාවලට අනුව 40 හැවිරිදි පාකිස්තාන ජාතික ජුනයිඩ් සෆාර් ඛාන් පිටියේදී ඇද වැටී ඇති අතර, එවිට ක්‍රීඩාංගණය අසල සෙල්සියස් අංශක 41.7ක (ෆැරන්හයිට් අංශක 107) දක්වා ඉහළ ගිය උෂ්ණත්වයක් තිබිණි.
කොන්කෝඩියා ක්‍රිකට් සමාජය නියෝජනය කළ ඛාන්, සිද්ධිය වෙද්දී ඕවර 40ක් පිටියේ පන්දු රකිමින් සිටි අතර, පසුව ඕවර හතක් පමණ පන්දුවට පහර දී තිබේ. ඔහුගේ ඇද වැටීමෙන් පසු හදිසි සේවා වහාම එම ස්ථානයට කැඳවුවද ඒ වන විටත් මියගොස් ඇත.
වෛද්‍යවරු පිටියේදීම ප්‍රතිකාර දෙමින් ඔහුගේ ජීවිතය බේරා ගැනීමට උත්සාහ කළද එය ව්‍යර්ථවී ගිය බව මාධ්‍ය වාර්තා කළහ. තම කණ්ඩායමේ සගයාගේ වියෝව පිළිබඳව ඔවුන්ගේ දැඩි ශෝකය ප්‍රකාශ කරමින් කොන්කෝඩියා ක්‍රිකට් සමාජය නිවේදනයක් නිකුත් කළේය. දකුණු ඔස්ට්‍රේලියාව වසර ගණනාවක් තිස්සේ අධික උෂ්ණත්වයේ ග්‍රහණයට ලක්ව ඇති අතර කාලගුණ විද්‍යා කාර්යාංශයේ දත්තවලට අනුව මේ දිනවල උෂ්ණත්වය සෙල්සියස් අංශක 40ට වඩා වැඩිය. ඛාන් 2013දී පාකිස්තානයේ සිට ඇඩිලේඩ් වෙත තොරතුරු තාක්ෂණ කර්මාන්තයේ සේවය කිරීම සඳහා සංක්‍රමණය වූ බව වාර්තා වේ.
