පලාත් පාලන මැතිවරණය 2025 සඳහා බදුල්ල දිස්ත්‍රික්කයේ පළාත් පාලන ආයතන 18න් 14ක් සඳහා පිළිගත් දේශපාලන පක්ෂ 2ක් හා ස්වාධීන කණ්ඩායමක් ඊයේ (18) වන විට නාමයෝජනා භාරදී ඇතැයි බදුල්ල දිස්ත්‍රික් සහකාර මැතිවරණ කොමසාරිස් කේ.කාන්දීපන් මහතා පැවසීය. එම නාමයෝජනා පත්‍ර අතරින් 11ක් පොදුජන එක්සත් පෙරමුණ විසින් භාරදී ඇති අතර, ඒ බදුල්ල මහ නගර සභාවට හපුතලේ නගර සභාවට සහ පස්සර, ලුණුගල, කන්දකැටිය, රිදිමාලියද්ද, හාලිඇළ, ඌව පරණගම, ඇල්ල, සොරණාතොට, බණ්ඩාරවෙල යන ප්‍රාදේශීය සභාවන් 9ය සඳහාය. සමගි ජන බලවේගය මහියංගණය සහ රිදිමාලියද්ද ප්‍රාදේශීය සභා දෙකට හා බණ්ඩාරවෙල මහ නගර සභාව සඳහා ස්වාධීන කණ්ඩායමක් විසින් නාමයෝජනා භාර දී ඇත.
මේ වන විට පිළිගත් දේශපාලන පක්ෂ 14ක් සහ හා ස්වාධීන කණ්ඩායම් 11 කින් බදුල්ල දිස්ත්‍රික්කයේ මහ නගර සභා 2ක් නගර සභා 1 ක් සහ ප්‍රාදේශීය සභා 15 කට ඇප මුදල් තැන්පත් කර ඇති බවද සහකාර මැතිවරණ කොමසාරිස් කේ.කාන්දීපන් මහතා පැවැසීය.
