20
තලවාකැලේ වතුයායේ සිදුවූ බඹර ප්‍රහාරයක් හේතුවෙන් තුවාල ලැබූ තිදෙනකු කොටගල ප්‍රාදේශීය රෝහලට ඇතුළත් කර ඇති බව එම රෝහලේ නිලධාරියකු පැවසීය.
මේ පිළිබඳව වැඩිදුරටත් අදහස් දැක්වූ එම නිලධාරියා පවසන ලද්දේ පෙරේදා (17) මෙම තිදෙනා තවත් පිරිසක් සමඟ තලවාකැලේ වතුයායේ සේවය කරමින් සිටියදී එම වතුයායේ ගසක බැඳ තිබු බඹර කූඩුවක් ඇවිස්සීමෙන් එහි සිටි බඹරුන් මෙම තිදෙනාට පහර දී ඇති බවයි.
බබරුන්ගේ එම පහර දීම හේතුවෙන් තුවාල ලැබූ මෙම තිදෙනා මෙසේ රෝහල් ගත කර ඇති බවත්, එම තිදෙනා මේ වන විට මෙම රෝහලේ නේවාසිකව ප්‍රතිකාර ලබන අතර, ඔවුන්ගේ තත්ත්වයන් බරපතළ නොවන බවද එම නිලධාරියා වැඩිදුරටත් පැවසීය.
