මහවැලි සී කලාපයේ ආරම්භයේ සිටම ජනමාධ්‍යවේදියෙකු ලෙස මුළු මහවැලි සී කලාපයේම ගොවි ජනතාව වෙනුවෙන්ඉමහත් සේවාවක් ඉටුකරමින් ජනතාවගේ ප්‍රශංසාවට මෙන්ම ගෞරවයට පාත්‍ර වූ සී කලාපයේ පත්තර මහත්තයා ලෙස පැරණි ජනතාව විසින් හඳුන්වනු ලැබූ ප්‍රවීණ ජනමාධ්‍යවේදී ගාමිණී සූරියආරච්චි මහතා පෙරේදා (17) අභාවයට පත්ව ඇත.
මිය යන විට 75 වියේ පසුවූ සූරියආරච්චි මහතා තිදරු පියෙකි. මහවැලි සී කලාපයේ ගොවි ජනාවාස ආරම්භකරන වකවානුවේ විවිධ දුෂ්කරතා විඳ දරාගනිමින් ජනපද වාසීන්ගේ ගැටලු, ඊට අදාළ බලධාරීන් හමුවී ඔවුන් වෙත ඉදිරිපත්කොට විසඳුම් ලබා දීමට කටයුතු කරන ලද සැබෑ මාධ්‍යවේදියෙකි. ඔහුගේ දේහය ගිරාඳුරුකෝට්ටේ, දිවුල පැලැස්ස, පාලම් හන්දියේ සිය නි‍ෙවසෙහි තැන්පත්කර ඇති අතර අවසන් කටයුතු අද (19) දිවුලපැලැස්ස පොදු සුසාන භූමියේදී සිදුකිරීමට සූදානම්කර ඇත.
