236
වගා කුඹුරු පස් නියැදි ලබා ගැනීම පෙරේදා (17) ඉඩම් හා වාරිමාර්ග නියෝජ්‍ය අමාත්‍ය සුසිල් රණසිංහ මහතාගේ ප්‍රධානත්වයෙන් තඹුත්තේගම රාජපක්ෂගම කුඹුරු යායේදී සිදු කෙරිණි. මෙහිදී කලාපයේ වී වගාව සිදු කරන ක්ෂේත්‍රවල පස් නියැඳි ලබාගෙන පරීක්ෂා කිරීම සිදු විය. ගොවීන්ට කෘෂිකර්මාන්තයට අභියෝගයක් වන පොහොර ප්‍රශ්නයට විසඳුමක් ලෙස පස් සාම්පල් ලබා ගැනීමෙන් විද්‍යානුකූල පිළිතුරක් ලබා දීමටත්, කෘෂිකාර්මික ක්‍රමවේදයක් යටතේ පසට ගැළපෙන පොහොර යෙදීමත්, අවශ්‍ය පොහොර මොනවාද යන්න තෝරා ගැනීමත් පහසු වන බව අමාත්‍යවරයා මෙහිදී කියා සිටියේය.
