ශ්‍රී ලංකාවේ ඉන්දියානු මහ කොමසාරිස් කාර්යාලයේ නියෝජිතයින් පිරිසක් දකුණු පළාත් ආණ්ඩුකාර බන්දුල හරිස්චන්ද්‍ර මහතා ආණ්ඩුකාර කාර්යාලයේදී හමුවී සුහද සාකච්ඡාවක නිරත විය.
ශ්‍රී ලංකාවේ ඉන්දියානු මහකොමසාරිස් කාර්යාලයේ අධ්‍යාපන අංශයේ පළමු ලේකම් සන්දිප් චෞදි මහතා සහ එම කාර්යාලයේ දෙවන කොන්සල් පී.එච්.රත්නමාලා මහත්මිය ඇතුළු පිරිසක් මෙම අවස්ථාවට සහභාගි වූහ.
ඈත අතීතයේ සිට ශ්‍රී ලංකාව සහ ඉන්දියාව අතර පවතින මිතුදම තවදුරටත් තහවුරුවීමට මෙම හමුව ඉතා වැදගත් බව සන්දිප් චෞදි මහතා මෙහිදී පැවසීය. දෙරට අතර මිතුදම තහවුරු කරමින් තිළිණ හුවමාරුවක්ද මෙහිදී සිදුවිය.
දකුණු පළාත් ආණ්ඩුකාරවරයාගේ පෞද්ගලික ලේකම් බී.කේ.එස් රවීන්ද්‍ර, ආණ්ඩුකාර ලේකම් සම්පත් ඉන්දික සමරකෝන්, දකුණු පළාත් ප්‍රධාන ලේකම් සුමිත් අලහකෝන්, දකුණු පළාත් ප්‍රධාන අමාත්‍යාංශයේ ලේකම් ක්‍රිෂාන්ත මහේන්ද්‍ර සහ ආණ්ඩුකාරවරයාගේ සම්බන්ධීකරණ ලේකම් සුධර්මන් වෛද්‍යරත්න යන මහත්වරුද මෙම අවස්ථාවට සහභාගි වූහ.
