19
වරෙන්තුපිට සැඟවී සිටින දේශබන්දු තෙන්නකෝන් මහතාගේ හෝකන්දර පිහිටි නිවෙස ඊයේ (18) අපරාධ පරීක්ෂණ දෙපාර්තමේන්තුවේ දැඩි පරීක්ෂාවට ලක්කර තිබේ.
එම නිවෙසේ තිබී සැකකටයුතු භාණ්ඩ කිහිපයක් අපරාධ පරීක්ෂණ දෙපාර්තමේන්තුව මඟින් සිය භාරයට ගෙන ඇත.
පොලීසියට කට්ටිපනිමින් සැඟව සිටින දේශබන්දු තෙන්නකෝන් මහතාගේ දේපොළ තහනම් කිරීමට එම දේපොළ සම්බන්ධයෙන් තොරතුරු රැස් කිරීමක් ද පොලීසිය මේ වන විට ආරම්භ කර තිබේ.
වැඩබලන පොලිස්පති ප්‍රියන්ත වීරසූරිය මහතාගේ ඍජු අධීක්ෂණය යටතේ මේ සම්බන්ධයෙන් විමර්ශන පැවැත්වෙන අතර අපරාධ පරීක්ෂණ දෙපාර්තමේන්තුවේ පොලිස් කණ්ඩායම් 06ක් විමර්ශන කටයුතුවලට සම්බන්ධව සිටී.
