19
නීති විරෝධී ලෙස මෙරටට ගෙන්වා ඇති රුපියල් කෝටි 12කට අධික වටිනාකමකින් යුත් දුම්වැටි තොගයක් ශ්‍රී ලංකා රේගු භාරයට ගෙන තිබේ.
රේගු ආදායම් කාර්යසාධක බළකායේ නිලධාරීන් විසින් කොළඹ වරාය පරිශ්‍රයේ ගබඩාවක තිබූ කන්ටේනරයක් පරීක්ෂා කිරීමේදී එම දුම්වැටි තොගය සොයාගෙන ඇත.
එහි තිබී දුම්වැටි 713,000ක පමණ තොගයක් සොයාගෙන ඇත.
රේගු දෙපාර්තමේන්තුව සඳහන් කළේ එම දුම්වැටි එක්සත් අරාබි එමීර් රාජ්‍යයේ සිට පාදුක්ක ප්‍රදේශයේ සමාගමක නමින් ආනයනය කර තිබෙන බවයි. භාණ්ඩ ඇසුරුම් තුළ සඟවා තිබියදී දුම්වැටි සොයා ගත් බව ශ්‍රී ලංකා රේගුව සඳහන් කරයි.
අදාළ දුම්වැටිවල වටිනාකම රුපියල් 124,019,554ක් වේ.
