රූපවාහිනී නාළිකාවක ජනප්‍රිය රියැලිටි ගායන තරගයකින් ජයගත් රියැලිටි තරුවක් වන චමෝද් කවිශ්කගේ, මෝටර් රථයට කිසියම් පුද්ගලයකු ඊයේ (18) අලුයම ගිනි තබා තිබේ.
එම මෝටර් රථය අනුරාධපුරයේ පිහිටි සිය නිවෙසේ නවතා තබා තිබියදී මෙලෙස යම්කිසි අයකු ගිනි තැබීමට ලක් කර ඇති අතර ඒ සම්බන්ධයෙන්
පොලීසිය විමර්ශනයක් ද ආරම්භ කර තිබේ. චමෝද් කවිශ්ක මාධ්‍යයට අදහස් පළකරමින් ඒ සම්බන්ධයෙන් මෙසේ කියා සිටියේය.
“ශබ්දයක් ඇසීම නිසා මම එළියට පැමිණ බලනවිට වාහනය සම්පූර්ණයෙන්ම ගිනිගෙන තිබුණා. මේ දේ වෙනකොට පාන්දර 1.42යි වේලාව. කවුරුහරි ගෙදරට ඇවිල්ලා ගෙදර නතර කරලා තිබ්බ වාහනයට ප්‍රෙටල් දාලා ගිනි තියලා තියෙනවා. මම එළියට බහිද්දි වැඩේ ඔක්කොම වෙලා ඉවරයි. මුළු වාහනේම ගිනි අරන් තියෙන්නේ. සද්දයක් ආවා, ඒත් එක්කම මම එළියට එද්දි සේරම ගිනි අරන් ඉවරයි.
බොහොම ස්තූතියි මේක කරපු කෙනාට. බොහොම ස්තූතියි.”
