77
රුපියල් දෙකෝටි පනස් ලක්ෂයක් වටිනා කුෂ් මත්ද්‍රව්‍ය තොගයක් මෙරටට ගෙනා විදේශික යුවළක් කටුනායක ගුවන්තොටුපොළ පැමිණීමේ පර්යන්තයේ දී රේගු මත්ද්‍රව්‍ය පාලන අංශය විසින් අත්අඩංගුවට ගනු ලැබූහ.
මොවුන් ඉන්දීය ජාතික විවාහක යුවළක් වන අතර, සැමියා 32 හැවිරිදිය. බිරිඳ 29 හැවිරිදිය. ඔවුන් ඩුබායි සහ ඉන්දියාව අතර ව්‍යාපාරික කටයුතුවල නිරතව සිටින්නන් බව මූලික විමර්ශනවලදී අනාවරණය කර ගෙන තිබේ.
ඔවුන් මෙම කිලෝග්‍රෑම් 02යි ග්‍රෑම් 400ක් බරැති කුෂ් තොගය එහි ගන්ධය පිටතට නොපැතිරෙන ආකාරයට පොලිතීන් ආවරණ යොදා ඇසුරුම් කර, ඒවා ලී පෙට්ටි තුළ අසුරා, ඒ මත රෙදි ආවරණය කර තිබී ඇත. මත්ද්‍රව්‍ය ඉව කර හඳුනා ගන්නා සුනඛයන් නොමඟ යැවීම සඳහා කපුරු කුඩු කර ආලේප කර තිබී ඇත.
