ශ්‍රී ලංකාවට පැමිණෙන සංචාරකයින්ගේ ආකර්ෂණය දිනාගත් සංචාරක කලාපයක් වන ඌව පළාතේ ඉතිහාසය සහ සංස්කෘතිය, ස්වාභාවික ස්ථාන පිළිබඳව ලොවට හෙළිදරවු කිරීම සඳහා www.visituva.lk නමින් විශාල තොරතුරු ගබඩාවකින් සමන්විත වෙබ් අඩවියක් ඌව පළාත් සංචාරක අමාත්‍යාංශයේ අධීක්ෂණය යටතේ නිර්මාණය කර ඇත. විශාල තොරතුරු ගබඩාවකින් සමන්විත මෙම වෙබ් අඩවිය නවීන VR සංචාර (Virtual Reality Tour) සහ පැය 24 පුරාවටම ක්‍රියාත්මක AI Chat Bot තාක්ෂණය හරහා නවීන මුහුණුවරකින් යුක්තය.
මෙම වෙබ් අඩවිය නිර්මාණය සඳහා අවශ්‍ය මූල්‍ය දායකත්වය යුරෝපානු සංගමයට අනුබද්ධ සොලිඩරිඩැඩ් ආයතනය මඟින් දරා ඇති අතර, එය නිර්මාණය කිරීම සිදුකර ඇත්තේ ශ්‍රී ලංකාවේ ප්‍රමඛතම SEO හා ඩිජිටල් අලෙවිකරණ උපදේශකයකු හා ඩිජිටල් ජනමාධ්‍ය දේශකයෙකු වන පුලස්ති වන්නිආරච්චි මහතා යටතේ ඇති Incarnate ආයතනය විසිනි.
මෙම වෙබ් අඩවිය මඟින් ඌව පළාතේ පිහිටි ප්‍රධාන සංචාරක ආකර්ෂණයන්, නවාතැන් පහසුකම්, ආහාරපාන සහ ව්‍යාපාරික අවස්ථාවන් පිළිබඳව සවිස්තරාත්මකව තොරතුරු ලබාදීම සිදුකරනු ලබයි.
ඌව පළාතේ සංචාරක කර්මාන්තයට නව ජීවයක් ලබාදීමේ අරමුණින් එය දිනෙන් දින නව අංග සහ යාවත්කාලීන වන දත්තයන් එක් කරමින් අනාගත සංචාරක පාරාදීසය තුළ වර්ධනය කරනු ඇති අතර ඔබත් ඌව පළාතේ සංචාරය කිරීමට සූදානම් අයකු නම් www.visituva.lk වෙබ් අඩවියට පිවිස අවශ්‍ය තොරතුරු ලබා ගන්නා ලෙස ඌව පළාත් සංචාරක අමාත්‍යාංශය ඉල්ලා සිටියි.
