21
නීති විරෝධී ලෙස නිෂ්පාදිත මත්පැන් ලීටර් 510ක් ප්‍රවාහනය කිරීමේ චෝදනාවට වැලිසර මහේස්ත්‍රාත් අධිකරණය ඉදිරියේ වරද පිළිගත් තරුණයකුට රුපියල් 25,000ක දඩ මුදලක් ගෙවන ලෙස මහේස්ත්‍රාත් ධම්මික උඩුවවිධාන මහතා නියම කළේය.
මෙසේ දඩ නියම වූයේ ඒකල පදිංචි 24 හැවිරිදි තරුණයකුටය. ජා ඇළ සුරාබදු ස්ථානයේ ස්ථානාධිපති කලාරසික විජේසිංහ මහතා විසින් සැකකරු අධිකරණය වෙත ඉදිරිපත් කරනු ලැබීය. ජා ඇළ, ඒකල කටුලැහැබින් පිරි ඔතේකැලේදී මෙම මත්පැන් තොගය නිෂ්පාදනය කොට ජා ඇළ නගරයට ප්‍රවාහනය කරමින් සිටියේදී ජා ඇළ සුරාබදු ස්ථානයේ නිලධාරීන් පිරිසක් සැකකරු සහ මත්පැන් තොගය සමඟ අදාළ වාහනය ද ඒකල සීටීබී හන්දියේදී අත්අඩංගුවට ගෙන තිබුණි.
