22
පුද්ගලයකුට අත්කියතකින් පහරදී තුවාල සිදුකිරීම සම්බන්ධයෙන් යුද හමුදා මේජර්වරයකු අත්අඩංගුවට ගත් බව පාණදුර දකුණ පොලීසිය පැවසීය.
මෙසේ අත්අඩංගුවට ගෙන ඇත්තේ කොස්ගම යුද හමුදා කඳවුරේ රාජකාරී කරන මේජර්වරයෙකි. සැකකකාර මේජර්වරයා පාණදුර, වලාන ප්‍රදේශයේ සාදයකට සහභාගි වී යළි නිවෙස කරා යෑමට සූදානම් වීමේදී තවත් පිරිසක් අතර ඇතිවූ කතාබහක් දුරදිග යෑමෙන් පහරදීම සිදුව ඇති බව සඳහන් වේ.
පහරදීම සිදුවන අවස්ථාවේ එයට මැදිහත්වූ සැකකාර මේජර්වරයාගේ බිරිය ද තුවාල ලබා ඇති බව පොලීසිය කීය. තුවාල ලැබූ දෙදෙනාම පාණදුර මූලික රෝහලේ ප්‍රතිකාර ලබමින් සිටිති.
