දසවැනි පාර්ලිමේන්තුව යටතේ ආංශික අධීක්ෂණ කාරක සභා 07ක් පමණක් පිහිටුවීම සඳහා වන යෝජනාවක් සභානායක ඇමැති බිමල් රත්නායක මහතා පාර්ලිමේන්තුවට ඊයේ (17) දැනුම් දුන්නේය.
ඒ අනුව ආර්ථික සංවර්ධනය සහ අන්තර්ජාතික සබඳතා, යටිතල පහසුකම් සහ උපායමාර්ග සංවර්ධන, අධ්‍යාපන ශ්‍රම බළකාය හා මානව ප්‍රාග්ධනය, සෞඛ්‍ය ජනමාධ්‍ය සහ කාන්තා සවිබලගැන්වීම්, පරිසරය කෘෂිකර්ම සහ සම්පත් තිරසරභාවය, විද්‍යා තාක්ෂණ සහ ඩිජිටල් පරිනාමනය, රාජ්‍ය පාලනයේ යුක්තිය හා ඩිජිටල් අධ්‍යාපනය ආදී වශයෙන් මෙලෙස ආංශික අධීක්ෂණ කාරක සභා පත් කරන බව සභානායක බිමල් රත්නායක මහතා පැවසීය.
මෙම කාරක සභාවන් තුනක සභාපතිත්වය විපක්ෂය වෙත ලබා දී ඇති අතර ඉතිරි සභාවන්හි සභාපති ධුර ආණ්ඩුව දරනු ලැබේ.
මෙම එක් කාරක සභාවක සාමාජික සංඛ්‍යාව 12ක් වන අතර ඝනපූරණය 03කි.
