පළාත් පාලන මැතිවරණයට බේරුවල ප්‍රාදේශීය සභාවට එක්සත් ජාතික පක්ෂයෙන් ඉදිරිපත් වන අපේක්ෂක අපේක්ෂිකාවෝ කළුතර දිස්ත්‍රික් නායක බේරුවල එජාප සංවිධායක හිටපු අමාත්‍ය රාජිත සේනාරත්න මහතාගේ නි‍ෙවසේදී (16) දින නාමයෝජනා අත්සන් තැබූහ.
කළුතර දිස්ත්‍රික්කයේ පළාත් පාලන ආයතන 17කට තරග කිරීමට හිටපු අමාත්‍ය හා එක්සත් ජාතික පක්ෂයේ කළුතර දිස්ත්‍රික් නායක වෛද්‍ය රාජිත සේනාරත්න මහතා ඊයේ (17) කළුතර දිස්ත්‍රික් ලේකම් කාර්යාලයට පැමිණියේය.
ඇප මුදල් තැන්පත් කිරීමෙන් අනතුරුව ඒ මහතා ප්‍රකාශ කළේ කළුතර දිස්ත්‍රික්කයේ පළාත් පාලන ආයතන 15කට අලියා ලකුණින් තරග කරන අතර පාලින්දනුවර ප්‍රාදේශීය සභාවට හා බේරුවල නගර සභාවට පක්ෂ කිහිපයක් සමඟ එක්ව ස්වාධීන කණ්ඩායම් ඉදිරිපත් කරන බවය. එම දිස්ත්‍රික්කයේ එක් මහ නගර සභාවක්ද, නගර සභා 03ක්ද, ප්‍රාදේශීය සභා 13ක්ද වේ.
