පොලොන්නරුව දිස්ත්‍රික්කයේ අඩු ආදායම්ලාභී දිළිඳු පවුල් සඳහා ජල පිරිපහදු යන්ත්‍ර සහ පොහොර සඳහා මූල්‍යාධාර සැපයීමට හොංකොං රජයේ GS ආයතනය මැදිහත් වේ.
හොංකොං රජයෙහි Charity සමාජ සේවා ආයතනයේ අනුග්‍රහයෙන් පොලොන්නරුව දිස්ත්‍රික්කයේ ජනතාව වකුගඩු රෝගයෙන් මුදාගැනීමට පානීය ජල පිරිපහදු යන්ත්‍ර බෙදා දීම සහ ප්‍රදේශයේ අඩු ආදායම්ලාභී ගොවි පවුල් සඳහා පොහොර ගැනීමට මූල්‍යාධාර දීම 2025 අප්‍රේල් මස 24 වැනිදා සිට මැයි 02 වැනිදා දක්වා දින 08ක කාලයක් එම ව්‍යාපෘතියේ උපදේශක සම්මානිත මහාචාර්ය කේ.එල්. ධම්මජෝති නාහිමියන්ගේ ප්‍රධානත්වයෙන් ගම්මාන 23කදී සිදු කිරීමට නියමිතය.
මෙහි සුවිශේෂත්වය වන්නේ කිසිදු දේශපාලන මැදිහත්වීමකින් තොරව ආධාර ලැබිය යුතු පුද්ගලයන් වෙතම ස්වාධීන නිරීක්ෂණයකින් පසුව ලබා දීමට කටයුතු කිරීමයි. මෙම ව්‍යාපෘතිය යටතේ ඉදිරියේදී අනෙකුත් දිස්ත්‍රික්කයන් ද ආවරණය කිරීමට බලාපොරොත්තු වේ.
