36
පොදුජන එක්සත් පෙරමුණේ කෝට්ටේ මහනගර සභාවේ නගරාධිපති ධුර අපේක්ෂකයා ලෙස හිටපු නගරාධිපති ජනක රණවක මහතා නම් කර තිබේ.
ඊට අදාළ නාමයෝජනා පත්‍රයට ජනක රණවක මහතා විසින් ශ්‍රී ලංකා නිදහස් පක්ෂ මූලස්ථානයේදී පසුගියදා අත්සන් තැබිණි.
ජනක රණවක මහතා කෝට්ටේ මහනගර සභාවේ මන්ත්‍රීවරයකු, විපක්ෂ නායකවරයකු, උප නගරාධිපතිවරයකු සහ 2011 වසරේ සිට 2016 වසර දක්වා නගරාධිපතිවරයා ලෙස ද කටයුතු කර තිබේ.
කෝට්ටේ මහනගර සභා බලප්‍රදේශයේ අධ්‍යාපනය, සෞඛ්‍ය, ක්‍රීඩා ඇතුළු යටිතල පහසුකම් සංවර්ධනය කිරීමට සුවිශේෂ කාර්යභාරයක් ඉටු කර ඇත. මේ අවස්ථාවට ශ්‍රී ලංකා නිදහස් පක්ෂයේ සභාපති, හිටපු ඇමැති, නිමල් සිරිපාල ද සිල්වා, භාණ්ඩාගාරික ලසන්ත අලගියවන්න, හිටපු ඇමැති සුසිල් ප්‍රේමජයන්ත මහත්වරු ද එක්ව සිටියහ.
