ජාත්‍යන්තර කාන්තා දිනය නිමිත්තෙන් කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවැති ‘ලංකා ලංකාරී’ උත්තමාවී උත්තමාචාර සම්මාන උලෙළේදී ප්‍රවීණ මාධ්‍යවේදිනී සමන්ති මිරියගල්ල මහත්මියට ද සම්මානයක් හිමිව තිබේ.
අහස මාධ්‍ය ජාලය සංවිධාන කළ ‘ලංකා ලංකාරී’ උත්තමාවී උත්තමාචාර සම්මාන උලෙළ බණ්ඩාරනායක සම්මන්ත්‍රණ ශාලාවේදී පැවති අතර, විවිධ ක්ෂේත්‍රවල නියැළි කලා, සාහිත්‍යය, ව්‍යවසායක, වෛද්‍ය ආදී වූ ක්ෂේත්‍ර නියෝජනය කරමින් මෙම සම්මාන ප්‍රදානය සිදු විය. මාධ්‍යවේදිනියක, චිත්‍ර ශිල්පිනියක, ළමා සාහිත්‍ය නිර්මාණවේදිනියක මෙන්ම මුද්දර නිර්මාණ ශිල්පිනියක ලෙස කටයුතු කරන ජාතික සම්මානලාභී ලේඛිකා සමන්ති මිරියගල්ල මහත්මිය ද මෙහිදී ඇගැයීමට පාත්‍රවූවාය.
ශ්‍රී ජයවර්ධනපුර විශ්වවිද්‍යාලයේ උපාධිධාරිනියක වන සමන්ති මිරියගල්ල මහත්මිය කොළඹ ගෝතමී බාලිකා විද්‍යාලයේ කීර්තිමත් ආදි ශිෂ්‍යාවක වන අතර, වර්තමානයේ සමෘද්ධි සංවර්ධන දෙපාර්තමේන්තුවේ මාධ්‍ය අංශයේ සේවය කරයි.
