කරන්දෙණිය පොලිස් ස්ථානයේ නඩු භාණ්ඩයක් ලෙස තිබුණු යතුරුපැදියක් රුපියල් 5,000ක මුදලක් අල්ලස් ලෙස ලබාගෙන සැකකාර පාර්ශ්වයට රැගෙන යාමට ඉඩදුන් කරන්දෙණිය පොලීසියේ සේවයේ නිරත පොලිස් කොස්තාපල්වරයකුගේ වැඩ තහනම් කිරීමට ඇල්පිටිය කොට්ඨාසය භාර ජ්‍යෙෂ්ඨ පොලිස් අධිකාරිවරයා ඊයේ (17) පියවර ගෙන ඇත.
මෙම යතුරුපැදිය පසුගිය 02 දා පොලිස් භාරයට ගෙන ඇත්තේ පොලිස් අණ නොතකා පලාගොස් මහ මඟ අත්හැරදමා ගොස් තිබියදීය.
එම පුද්ගලයාගෙන් කළ ප්‍රශ්න කිරීමේදී අනාවරණය වී ඇත්තේ පසුගිය 10 වෙනිදා රාත්‍රී කාලයේ මෙම පුද්ගලයාගේ සහෝදරයෙක් වන කරණවෑමියෙකු විසින් පොලිස් ස්ථානයට ගොස් එදින රාත්‍රී කාලයේ පොලිස් ස්ථානයේ සේවයේ නිරතව සිටි පොලිස් කොස්තාපල්වරයාට රුපියල් 5,000ක මුදලක් ලබාදී යතුරුපැදිය රැගෙන ගිය බවද ඔහු පොලිසියට පවසා ඇත. ඒ අනුව කරණවෑමියාත් යතුරුපැදිය සන්තකයේ තබාගෙන සිටි පුද්ගලයාත් පොලිස් ස්ථානයේ තිබුණු යතුරුපැදිය රුපියල් 5,000ක් ලබාගෙන සොරාගෙන යාමට ඉඩදුන් පොලිස් කොස්තාපල්වරයාත් පෙරේදා (16) අත්අඩංගුවට ගැනීමට කරන්දෙණිය පොලීසියේ නිලධාරින් පියවර ගෙන තිබේ.
