28
යාපනයේ කොකුවිල් රාමක්‍රිෂ්ණ විද්‍යාලයේ ගුරුවරියක් අමතර පන්තියකට පාසලට පැමිණ සිටි අවස්ථාවේ සිහිසුන්ව ඇද වැටීමෙන් පසු පෙරේදා (16) මියගොස් සිටි බව කොකුවිල් පොලිසිය පවසයි.මෙලෙස මිය ගොස් ඇත්තේ ප්‍රියදර්ශනී කනගරත්නම් නම් 53 හැවිරිදි ගුරුවරියකි.
මේ දිනවල පවතින දැඩි හිරු රශ්මිය නිසා ඇය විජලනයට පත් වී මිය ගොස් ඇති බව මරණකාරියගේ මරණ පරීක්ෂණයේදී හෙළි වූ බව රෝහල් ආරංචි මාර්ගවලින් පැවසේ.
පසුගිය සතියේ ද යාපනයේ පාසල් ගුරුවරයකුට මේ ආකාරයට විජලනය නිසා මියගිය බවට වාර්තා විය.කොකුවිල් පොලිසිය සිද්ධිය සම්බන්ධයෙන් සාක්කි මෙහෙයවීමෙන් පසු මියගිය ගුරුවරියගේ මෘත ශරීරය අවසන් කටයුතු සඳහා බාර දී තිබේ.
