රුපියල් හැටදහසක් වටිනා වතුර මෝටරයක් හා යකඩ බට සොරකම් කිරීමේ සිද්ධියක් සම්බන්ධයෙන් බුලත්සිංහල පොලීසිය සැකරුවන් දෙදෙනකු සොරා ගත් භාණ්ඩ ද සමග අත්අඩංගුවට ගෙන ඇත .
මෙම දේපොළ සොරා ගත් බව කියන බුලත්සිංහල, අතුර ප්‍රදේශයේ පදිංචි 43 හැවිරිදි අයකු ද ,සොර බඩු ළඟ තබා ගත් බව කියන පහළ වෙල්ගම ප්‍රදේශයේ පදිංචි 38 හැවිරිදි අයකු ද මෙසේ අත්අඩංගුවට ගෙන තිබේ. බුලත්සිංහල, විදානගේවත්ත පාරේ පදිංචි සේදවත්ත ගමගේ ලක්ෂ්මන් ප්‍රසාද් මදුපියල් කුලවර්ධන (45) යන අය විසින් පොලීසියට කරන ලද පැමිණිල්ලට අනුව පොලීසිය පරීක්ෂණ ආරම්භ කර තිබූ අතර, බුද්ධි අංශ පොලිස් කොස්තාපල් (30940) වන්නිනායක මහතාට ලද තොරතුරක් මත මෙම සැකකරුවන් අත්අඩංගුවට ගෙන තිබිණි.
සැකකරුවන් ඊයේ (16) මතුගම මහේස්ත්‍රාත් අධිකරණයට ඉදිරිපත් කිරීමට නියමිතව තිබුණි. මතුගම පොලීසිය මේ පිළිබඳව වැඩිදුර පරීක්ෂණ පවත්වයි.
