Sunday, April 6, 2025
Home » මත්පැ­නට ඇබ්බැහි වූ සැමියා නිසා සිඟිති පුතු සමඟ තිදරු මවක් සිරු­රට ගිනි තබා­ගෙන

මත්පැ­නට ඇබ්බැහි වූ සැමියා නිසා සිඟිති පුතු සමඟ තිදරු මවක් සිරු­රට ගිනි තබා­ගෙන

by damith
March 17, 2025 4:03 pm 0 comment

සීගි­රිය විශේෂ
ප්‍රති­කාර ලබන මව හා දරුවා

දඹුල්ල කණ්ඩ­ලම ප්‍රදේ­ශයේ තිදරු මවක් අවු­රුදු එක­හ­මා­රක් වූ කුඩා පිරිමි දරු­වකු සමඟ සිරු­රට ගිනි තබා­ගෙන බර­ප­තළ තුවාල ලබා දඹුල්ල මූලික රෝහ­ලට ඇතු­ළත් කර ඇතැයි දඹුල්ල පොලී­සිය කියයි.

බර­ප­තළ පිලි­ස්සුම් තුවාල සහිත කුඩා පිරිමි දරු­වාගේ තත්ත්වය බර­ප­තළ නිසා පේරා­දෙ­ණිය රෝහ­ලට මාරු කර යැවුණු බව රෝහල් ප්‍රකා­ශ­ක­යෙක් සඳ­හන් කළේය.

පවුල් ආර­වුල් ඇති­කර ගනි­මින් මෙම කාන්තා­වට සැමියා පහර දී නිව­සෙන් පන්නා දැමීම ආදී හිරි­හැ­ර­ව­ලට ලක්වන නිසා සිත්තැ­වු­ලට පත්වූ කාන්තාව කුඩා පිරිමි දරුවා සමඟ සිය­දිවි හානි­කර ගැනී­මට ගොස් ඇත.

ඇය­ගේම තවත් දරු­වන් දෙදෙ­නකු වන වයස අවු­රුදු 7ක සහ 9ක දිය­ණි­යන් දෙදෙනා පාසල් ගිය අව­ස්ථාවේ නිවසේ කාම­ර­යක දොර වසා බිමට පෙට්‍රල් වත් කොට ගිනි තබා­ගෙන ඇති බවත් දරුවා පිලිස්සී දග­ලන විට මේ මව දොර ඇර තිබෙන බවත් පසුව සැමියා පැමිණ දරු­වාගේ සිරුරේ ගින්න නිවා තිබෙන බවත් මූල­ස්ථාන පොලිස් පරී­ක්ෂක වසන්ත කුමාර මහතා පැව­සීය.

දඹුල්ල පොලී­සියේ ළමා හා කාන්තා කාර්යාං­ශයේ නිල­ධා­රින්, තුවාල ලබා රෝහ­ල්ග­තව සිටින මව­ගෙන් කරුණු විමසා සිටිය දී ඇය පවසා ඇත්තේ ඉතා සංවේදී කතා­වක් බවද පොලී­සිය කියයි.

එනම් තම සැමියා අන­ව­සර මත් වතුර පානය කොට දරු­වන්ට මෙන්ම තමාට ද සිදු­ක­රන හිරි­හැර දරා­ගැ­නී­මට නොහැකි නිසා සිය­දිවි හානි කර­ග­න්නට තීර­ණය කළ බවය. තම පිරිමි දරුවා සමඟ ඒ ගමන යන්න වූ හේතුව වී ඇත්තේ තමන්ට දිය­ණි­යන් දෙදෙ­නෙක් මෙන්ම වයස අවු­රුදු එක­හ­මා­රක පුතෙක් සිටින බවය.

තම පිරිමි දරුවා තනි­ක­ර­මින් තමා ජීවි­ත­යෙන් සමු­ගත්තා නම් මිය­ගිය තම­න්ටද සමා­ජ­යෙන් දොස් නඟන නිසාත් පුතා මත්ද්‍ර­ව්‍ය­ව­ලට ඇබ්බැහි වීමක් සිදු­විය හැකි පරි­ස­ර­යක දමා යන්න බැරි බවත්ය.

දිය­ණි­යන් දෙදෙනා ඉති­රි­කර යන්න තීර­ණය කළේ ඔවුන් මත්ද්‍ර­ව්‍ය­ව­ලට ඇබ්බැහි වීමක් සිදු නොවන නිසා බවය.

සිද්ධිය සම්බ­න්ධ­යෙන් දඹුල්ල මහේ­ස්ත්‍රාත් අධි­ක­ර­ණ­යට කරුණු ඉදි­රි­පත් කොට ඉදිරි පරී­ක්ෂණ කට­යුතු කරන බව පොලී­සිය කියයි.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT