Home » ආදි ආනන්දියෝ ඩුබායි ක්‍රිකට් ශූරතා දිනති

ආදි ආනන්දියෝ ඩුබායි ක්‍රිකට් ශූරතා දිනති

by sachintha
March 13, 2025 4:58 pm 0 comment

 

එක්සත් අරාබි එමිර් රාජ්‍යයේ වෙසෙන කොළඹ ආනන්ද සහ නාලන්දා විදුහල්වල ආදි සිසුන් අතර 15 වැනි වරට පැවැති වාර්ෂික ක්‍රිකට් තරගාවලියේ පළමු සහ දෙවැනි යන කොටස් දෙකේ ‘පී. ද එස්. කුලරත්න’ සහ ‘ලයනල් මෙන්ඩිස්’ යන අනුස්මරණ කුසලාන දෙකම ආනන්ද විදුහල් ආදි ක්‍රිකට් ක්‍රීඩකයෝ දිනාගැනීමට සමත් වූහ.

නාලන්දා විදුහල් ආදි රග්බි ක්‍රීඩකයෝ මේ තරගාවලියට සමගාමීව පැවති රග්බි තරගය ජය ලබමින් ‘පී. ද එස්. කුලරත්න’ පලිහ දිනාගත්හ.

මේ තරගාවලිය අජ්මාන්හි රාජකීය ක්‍රීඩා සමාජ ක්‍රීඩාංගණයේදී පසුගියදා පැවැත්විණි. ආදි ආනන්ද (138) පළමු පෙළ තරගයේදී ලකුණු 42කින් ආදි නාලන්දා පිල (96) පරාජය කළ අතර ආදි ආනන්ද දෙවැනි පෙළ පිල (145/4) කඩුලු 6කින් ආදි නාලන්දා පිල (143/8) පරාජය කළේය. මෙවර ආනන්ද විදුහල් පළමු පෙළ ක්‍රිකට් පිලේ නායකයා ලෙස කුෂාන් විජේවර්ධන ද, දෙවැනි පෙළ ක්‍රිකට් කණ්ඩායම්වල නායකයා ලෙස ලක්මින් අභයවර්ධන ද කටයුතු කළහ.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT