අලි මිනිස් ගැටුම අවම කිරීම හා මෙම ගැටලුවට විසඳුම් සෙවීමේ තවත් වැඩසටහනක් ඉකුත්දා මහවිලච්චිය, රන්දුව ධීවර ගම්මානයේ දී පැවැත්විණි. වනජීවී දෙපාර්තමේන්තුව, මහවිලච්චිය ප්‍රාදේශීය ලේකම් කාර්යාලය හා එක්ව එම වැඩසටහන සංවිධාන කර තිබුණි.
මෙම වැඩසටහනේ දී ධීවර ගම්මානයේ ගෙයින් ගෙට යමින් වනඅලි ගැටලුවට විසඳුම්, යෝජනා පිළිබඳව ජනතාවගෙන් කරුණු විමසීම සිදුවිය. එමෙන්ම ආරක්ෂා සහිතව ජනතාව තම දෛනික කටයුතු කරන ආකාරය ගැන ද මෙහිදී නිලධාරීන් විසින් කරුණු පැහැදිලි කරන ලදි. ධීවර ගම්මානයේ මාර්ග දෙපස කැළෑව සුද්ද කිරීම ද එදින සිදුකෙරිණි. විලච්චිය අඩවි වන කාර්යාලයේ නිලධාරීන්, අනුරාධපුර දිස්ත්‍රික් වනජීවී කාර්යාලයේ නිලධාරීන්, සිවිල් ආරක්ෂක බළකායේ නිලධාරීන් හා මහවිලච්චිය ප්‍රාදේශීය ලේකම් කාර්යාලයට අනුයුක්ත කේෂ්ත්‍ර නිලධාරීන් ඇතුළු පිරිසක් මෙම වැඩසටහන සඳහා එක්ව සිටියහ.
තඹුත්තේගම විශේෂ – ඩබ්ලිව්. ප්‍රදීප්
