මත්පැන් බෝතල් 70ක් ළඟ තබාගත් අයෙක් පැලෑනේදී කොටු

බලපත්‍ර නොමැතිව මත්පැන් බෝතල් 70ක් ළඟ තබාගත් පුද්ගලයෙක් සමඟ එම මත්පැන් බෝතල් වැලිගම පැලෑන ප්‍රදේශයේ දී අත්අඩංගුවට ගත් බව මාතර, හම්බන්තොට දිසා අපරාධ කොට්ඨාසය පවසයි.

අදාළ පුද්ගලයා සමඟ අත්අඩංගුවට ගත් මත්පැන් බෝතල් වැලිගම පොලීසියට නඩු කටයුතු සඳහා භාර දී ඇති අතර, පෙරේදා (11) මාතර මහේස්ත්‍රාත් අධිකරණය වෙත ඉදිරිපත් කිරීමට නියමිතව තිබුණි.

අත්අඩංගුවට ගත් මත්පැන් බෝතල්වල වටිනාකම රුපියල් 3,30900ක් ඉක්මවන බව මාතර, හම්බන්තොට දිසා අපරාධ කොට්ඨාසය පවසයි.

මෙම වැටලීම සඳහා උ.පො.ප. ජී.ඩී. මදුශංක, පො.කො. රුවන් (82249), පො.කො. රංජය (24208), පො.කො. වනිගසිංහ (97358), පො.කො. වේරගොඩ (97502), පො.කො.රි. ලක්මාල් (80725) යන නිලධාරීහු සහභාගි වූහ.

වැලිගම සමූහ – ටී.කේ. මහින්ද