Home » ලෝක වනජීවී දින සැමරුම් ජාත්‍යන්තර චිත්‍ර තරගයේ සිඟිති කාණ්ඩයේ ජය ශ්‍රී ලංකාවේ සවේන් දිනිරුට

ලෝක වනජීවී දින සැමරුම් ජාත්‍යන්තර චිත්‍ර තරගයේ සිඟිති කාණ්ඩයේ ජය ශ්‍රී ලංකාවේ සවේන් දිනිරුට

by sachintha
March 13, 2025 4:00 pm 0 comment

මේ මස 3 වැනිදාට යෙදුණු එක්සත් ජාතීන්ගේ ලෝක වනජීවී දින සැමරුම -2025ට සමගාමීව පැවති ජාත්‍යන්තර චිත්‍ර තරගයේ වයස අවුරුදු 4 – 6 කාණ්ඩයේ ජයග්‍රාහකයා ලෙස තේරී පත්වීමට ශ්‍රී ලංකාව නියෝජනය කළ මුතුමුණි සවේන් දිනිරු ද සිල්වා ශිෂ්‍යයා සමත්ව තිබේ. මේ තරගයට රටවල් 140කින් චිත්‍ර 3400ක ප්‍රමාණයක් ඉදිරිපත්ව ඇති බව එහි ජයග්‍රාහකයන් ප්‍රකාශයට පත් කරමින් නිවේදනය කෙරිණි. සවේන් දිනිරු ශිෂ්‍යයා නාත්තන්ඩිය ධම්මිස්සර ජාතික පාසලේ දෙවන වසර D පන්තියේ සිසුවෙකි. ඔහු මේ වන විට සිය මවුපියන් සමඟ ජපානය වෙත කෙටි කාලයක් සඳහා විදේශගත වී සිටියි. 23 වැනි වරට පැවැත්වෙන ජපානයේ කනගාවා චිත්‍ර තරගයේ Òජපානයේ සියලු පාසල් චිත්‍රකරුවන්ගේ කාණ්ඩය යටතේ ද විශිෂ්ටතා සම්මානය (Grand prize) දිනාගැනීමට සවේන් දිනිරු ශිෂ්‍යයා සමත්ව සිටියි. මේ කාණ්ඩය යටතේ චිත්‍ර 2318ක් ඉදිරිපත්ව තිබිණි.

මීට අමතරව පසුගියදා කොමර්ෂල් බැංකුවේ අරුණලු චිත්‍ර තරගය 2024 විදේශ අංශයේ ප්‍රාථමික අංශයේ හොඳම චිත්‍රයට හිමි ජයග්‍රහණය ලබා ගැනීමට ද මුතුමුණි සවේන් දිනිරු ද සිල්වා සිසුවා සමත් විය. ඔහු ජාතික පාසල් ආචාර්ය නිලූකා ධන්වන්ත්‍රී මහත්මියගේ Devain school of artහි සිසුවකු ලෙස මාර්ගගතව චිත්‍ර කලාව ඉගෙනුම ලබයි.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT