Home » ඩ්‍රෝන ටෙක් තාක්ෂණික සම්මානය IGAS ආයතනයට

ඩ්‍රෝන ටෙක් තාක්ෂණික සම්මානය IGAS ආයතනයට

by sachintha
March 13, 2025 4:00 pm 0 comment

ඩ්‍රෝන තාක්ෂණය භාවිතයට ගනිමින් අක්කර දස දහස් ගණනක මිනුම් කටයුතු සහ සිතියම්ගතකරණය සිදු කිරීම මෙන්ම තොරතුරු තාක්ෂණික නව මෘදුකාංග හඳුන්වා දෙමින් ඩ්‍රෝන තාක්ෂණ ක්ෂේත්‍රයේ දියුණුවට කටයුතු කරන ශ්‍රී ලංකාවේ හොඳම නවෝත්පාදන සහිත ඩ්‍රෝන ටෙක් තාක්ෂණික සමාගමට හිමි සම්මානය දිනා ගත්තේ Infinity Geo Aerial Solutions (pvt) Ltd (IGAS) ආයතනයයි.

සමාගම එම සම්මානය ඉකුත්දා කොළඹ බණ්ඩාරනායක අනුස්මරණ අන්තර්ජාතික සම්මන්ත්‍රණ ශාලාවේ පැවැති මානව හිමිකම් සංවිධානය විසින් සංවිධානය කළ HUMAN RIGHTS EXCELLENCE AWARD 2025 සම්මාන උලෙළේදී පිරිනැමිණි. ඩ්‍රෝන තාක්ෂණ, නව මෘදුකාංග සහ නව යෙදවුම් යොදා ගනිමින් නවෝත්පාදන සහිතව තරුණ තරුණියන්ට මේ ක්ෂේත්‍රයට ප්‍රවේශවීමට අධ්‍යාපනය ලබාදෙන IGAS (pvt) Ltd & IGAS Academy ශ්‍රී ලංකාවේ ඩ්‍රෝන පුහුණුකරන ක්ෂේත්‍රයේ පුරෝගාමී ආයතනයකි. එහි පුහුණු උපදේශක මණ්ඩලය විසින් ජාතික වෘත්තීය සුදුසුකම් (NVQ 4) සඳහා ඩ්‍රෝන නියමු පුහුණු වැඩසටහන සඳහා ජාතික සුදුසුකම් ප්‍රමිති (NCS) සංවර්ධනය සිදු කරයි. ඩ්‍රෝන තාක්ෂණය පිළිබඳ වසර 15කට වැඩි පළපුරුද්දක් සහිත මේ ආයතනයේ පුහුණු වැඩසටහන් දේශීය හා ජාත්‍යන්තර වශයෙන් විශ්වාසනීය සහ පිළිගත් අයුරින් ක්‍රියාත්මක වේ.

ඒ අනුව එම ආයතනයේ නිර්මාණාත්මක ක්‍රියාකාරකම් හඳුනාගත් 2025 මානව හිමිකම් සංවිධානය විශිෂ්ටත්ව සම්මාන උලෙළේදී IGAS Academy ÒBest Innovative Drone Tech CompanyÓ සම්මානය හිමිකර ගැනීමට සමත් විය.

ශ්‍රී ලංකාවේ ප්‍රථම වරට LIDAR සිතියම්ගත කරණය, සීගිරිය ගලේ කළ නවීන පර්යේෂණ මූලධර්මය මඟින්,ඉතිහාසය හා පාරිසරික තොරතුරු වාර්තා කිරීමේ නව යුගයක් ආරම්භ කිරීමට සමාගම සමත්වීම සම්මානය දිනා ගැනීමට ප්‍රධාන වශයෙන් බලපෑ හේතුසාධක වී තිබේ.

ජයසිරි මුණසිංහ

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT