21
වෙඩි වැදී මියගිය වන අලියකුගේ මළ සිරුරක් පෙරේදා (10) උදේ හම්බන්තොට, බැල්ලගස්වැව, නාගරවැව ප්‍රදේශයේ කුඹුරක වැටී සිටියදී සොයාගත් බව හම්බන්තොට වනජීවී කාර්යාලය පවසයි.
වන අලියා මැරී වැටී සිටි කුඹුර සෙවණගල, හයේ කණුව ප්‍රදේශයේ පදිංචි කරුවෙකුට අයත් කුඹුරකි.
වෙඩි වැදී මියගිය වන අලියා අඩි හයක් පමණ උස අලියෙකු බව වනජීවී නිලධාරීන් පවසයි. වන අලියාට වෙඩි තැබූ පුද්ගලයා මේ දක්වා අත්අඩංගුවට ගෙන නැත.
හම්බන්තොට වනජීවී කාර්යාලය, හම්බන්තොට පොලීසිය සමඟ එක්ව සිද්ධිය ගැන වැඩිදුර පරීක්ෂණ පවත්වයි.
