පිටබැද්දර පොලීසියට ලැබුණ තොරතුරක් මත ඉකුත් 08 වැනිදා අකුරැස්ස පොලිස් බලප්‍රදේශයට අයත් පිටබැද්දර බලපත්ඇල්ල රක්ෂිතයේ මහා පරිමාණ කසිප්පු ස්කාගාරයක් වටලා එහි නිෂ්පාදකයා වන පිටබැද්දර තැන්නහේන බලපත්ඇල්ල පදිංචි 28 හැවිරිදි එක්දරු පියෙක් අත්අඩංගුවට ගෙන ඇත. ලක්ෂ දෙකක් පමණ වටිනාකමකින් යුත් ගෝඩා මිලි ලීටර් 90,000ක් සහ මිලි ලීටර් 86,250ක් සහිත බැරල් දෙකක් සහ කස්ප්පු පෙරීමට ගන්නා දඟරයක් ඇතුළුව උපකරණ ද අත්අඩංගුවට ගෙන තිබේ.
මෙම මහා පරිමාණ කසිප්පු නිපදවන්නා සිය නිවසේ තබාගෙන බෝතලයක් රුපියල් 2000කට අලෙවි කර ඇත. අත්අඩංගුවට පත් ගෝඩා ප්‍රමාණය සතියක කසිප්පු අවශ්‍යතාව සඳහා ප්‍රමාණවත් වන බව සැකකරු සඳහන් කර ඇත. සැකකරුව පොලිස් ඇප මත නිදහස් කර ඇති අතර 17 වැනිදා මොරවක අධිකරණයට ඉදිරිපත් කිරීමට නියමිතය.
