Saturday, April 5, 2025
Home » ශ්‍රී ලංකා – වියට්නාම් පාර්ලිමේන්තු මිත්‍රත්ව සංගමයේ සභාපතිධූරයට ඇමති දම්මික පටබැඳි

ශ්‍රී ලංකා – වියට්නාම් පාර්ලිමේන්තු මිත්‍රත්ව සංගමයේ සභාපතිධූරයට ඇමති දම්මික පටබැඳි

by chanaka
March 12, 2025 1:19 pm 0 comment

ශ්‍රී ලංකා – වියට්නාම් පාර්ලිමේන්තු මිත්‍රත්ව සංගමයේ සභාපති ධූරයට පරිසර අමාත්‍ය වෛද්‍ය අමාත්‍ය දම්මික පටබැඳි මහතා තේරී පත්කර තිබේ. ශ්‍රී ලංකා – වියට්නාම් පාර්ලිමේන්තු මිත්‍රත්ව සංගමය නැවත ස්ථාපිත කිරීම සඳහා වන රැස්වීම ඊයේ (11) කථානායක වෛද්‍ය ජගත් වික්‍රමරත්න මහතාගේ ප්‍රධානත්වයෙන් පාර්ලිමේන්තුවේදී පැවැත්වූ අවස්ථාවේදී ඔහු මෙලෙස සභාපතිධුරය සඳහා තේරී පත්විය.

ශ්‍රී ලංකාවේ වියට්නාම් තානාපතිනිය ත්‍රින් තී ටැං මහත්මිය මෙම අවස්ථාවට ගෞරවනීය ආරාධිතයා ලෙස සහභාගී වී සිටියාය. මේ අතර ශ්‍රී ලංකා – වියට්නාම් පාර්ලිමේන්තු මිත්‍රත්ව සංගමයේ ලේකම්වරයා ලෙස පාර්ලිමේන්තු මන්ත්‍රීනි නීතීඥ භාග්‍යා හේරත් මෙනවිය තේරී පත් විය.

රැස්වීම අමතමින් කථානායක වෛද්‍ය ජගත් වික්‍රමරත්න මහතා වියට්නාමය සහ ශ්‍රී ලංකාව අතර 1970 වසරේ සිට පවත්වාගෙන එනු ලබන දිගුකාලීන ද්විපාර්ශ්වික සබඳතාවය සිහිපත් කළ අතර පාර්ලිමේන්තු මිත්‍රත්ව සංගමය මෙම සබඳතා වැඩි දියුණු කිරීම සඳහා වැදගත් වේදිකාවක් බවට අදහස් දක්වන ලදී.

දෙපාර්ශවයටම උපරිම ප්‍රතිලාභ ලබා ගැනීම සඳහා සංචාරක කේෂ්ත්‍රය, කෘෂිකර්මාන්තය, අධ්‍යාපනය සහ තාක්ෂණය වැනි ක්ෂේත්‍රවල ද්විපාර්ශ්වික සබඳතා තවදුරටත් ශක්තිමත් කිරීමට සමීපව කටයුතු කිරීමේ වැදගත්කම කථානායකවරයා මෙහිදී අවධාරණය කරන ලදී.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT