රජය මගින් ක්‍රියාත්මක ‘Clean Sri Lanka’ජාතික වැඩසටහනට සමගාමිව දීපව්‍යාප්තව තෝරාගත් පාසල් දහසක් පිරිසිදු කිරීමේ හා ප්‍රතිසංස්කරණය කිරීමේ කටයුතු ආරක්‍ෂක නියෝජ්‍ය අමාත්‍ය මේජර් ජෙනරල් අරුණ ජයසේකර (විශ්‍රාමික) සහ ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා ( විශ්‍රාමික) ගේ උපදෙස් සහ මඟපෙන්වීම මත ත්‍රිවිධ හමුදාවේ සහයෙන් අඛණ්ඩව ඉදිරියට සිදුකෙරෙමින් පවතී.
2025 පෙබරවාරි 20වැනිදා ආරම්භ කෙරුණු මෙම පාසල් පිරිසිදු කිරීමේ හා ප්‍රතිසංස්කරණ කටයුතු සිදුකිරීමේ ව්‍යාපෘතිය මේ වනවිට දෙවන අදියර යටතේ ක්‍රියාත්මක කරනු ලබයි. 2025 මාර්තු මස10වැනිදා දක්වා වූ කාලය තුල යුද්ධ හමුදා සාමාජිකයන්ගේ ශ්‍රම දායකත්වයෙන් පාසල් 432ක් ගුවන් හමුදා සාමාජිකයන්ගේ ශ්‍රමදායකත්වයෙන් පාසල් 34ක් සහ නාවික හමුදා සාමාජිකයන්ගේ ශ්‍රමදායකත්වයෙන් පාසල් 21ක් පිරිසිදු කිරීමේ කටයුතු මේවනවිට අවසන් කර ඇත.
ආරක්‍ෂකඅමාත්‍යාංශයේපූර්ණමඟපෙන්වීමෙන්සිදුකරනලදමෙමව්‍යාපෘතියසඳහාසිවිල්ආරක්‍ෂකදෙපාර්තමේන්තුසාමාජිකයන්ගේසහයෝගයහාශ්‍රමදායකත්වයදමෙමකටයුතුසඳහාලැබීතිබේ.
පාසල් පිරිසිදුකිරීමේ වැඩසටහන්වලට සමගාමිව ගරා වැටුණු පාසල් ගොඩනැඟිලි, අබලන්තත්වයේ පවතින මේස, පුටු පොත් රාක්ක ඇතුළු පාසල් උපකරණ නැවත භාවිතා කල හැකිවන පරිදි අළුත් වැඩියා කිරීමේ කටයුතු, තීන්ත පිරියම් කිරීම, මායිම් වැට වල් ප්‍රතිසංස්කරණය කිරීම මෙන්ම යටිතල පහසුකම් වැඩිදියුණු කිරීමද සිදු කරනු ලබයි.
සියසමාජ වගකීම් වැඩසටහන් ඔස්සේ මෙරට ත්‍රිවිධ හමුදාව අප රටේ පාසල්වල ඉගැන්වීම් සහ ඉගෙනුම් පරිසරය වඩාත් ශක්තිමත් කිරීම අරමුණු කර ගනිමින් රජයේ “පොහොසත් රටක්, ලස්සන ජිවිතයක්” යන දැක්මට අනුව සිදුකරන”Clean Sri Lanka” ජාතික ප්‍රයත්නය සඳහා ආරක්‍ෂක අමාත්‍යාංශයේ පූර්ණ අධීක්‍ෂණය යටතේ ත්‍රිවිධ හමුදාව සක්‍රියව දායකත්වය සහ අඛණ්ඩ සහයෝගය දක්වමින් කටයුතු සිදුකරනු ලබයි.
තවද, පාසල් ආශ්‍රිතව සිදුකෙරෙන මෙම පිරිසිදුකිරීමේ සහ ප්‍රතිසංස්කරණ ව්‍යාපෘති සඳහා විදුහල්පතිවරු, ගුරුවරු, සිසු දරුවන් හා දෙමාපියන් ඇතුළු සිවිල් ප්‍රජාවගේ සහාය ත්‍රිවිධ හමුදා සාමාජිකයන් වෙත නිරන්තරයෙන් හිමිව ඇත.
