ගොඩ­වාය ගිලුණු දැව­මය යාත්‍රාවේ පුරා­වි­ද්‍යා­ත්මක සංර­ක්ෂණ ක්‍රියා­ත්මක කිරී­මට අපො­හො­සත් වෙලා

ගාල්ල ගොඩ­වාය ගිලුණු දැව­මය යාත්‍රාවේ පුරා­වි­ද්‍යා­ත්මක වාර්තා­ක­ර­ණය සහ පුරා­වස්තු සංර­ක්ෂණ යෝජ­නාව ක්‍රියා­ත්මක කිරී­මට යෝජිත කාර්ය සාධන කාල­ප­රි­ච්ඡේ­දය 2024 නොවැ­ම්බර් 30 න් අව­සන් වුවද එකි ව්‍යාපෘ­තියේ වැඩ අව­සන් කිරී­මට මධ්‍යම සංස්කෘ­තික අර­මු­දල අපො­හො­සත්ව ඇතැයි ජාතික විග­ණන කාර්යා­ලය නිකුත් කළ වාර්තා­වක දැක්වෙයි.

අමෙ­රි­කානු ඩොලර් 109,992 ක පිරි­වැ­යක් ඇස්ත­මේන්තු කර මෙම ව්‍යාපෘ­ති­යට අමෙ­රි­කන් ඩොලර් 82,192ක් අමෙ­රි­කානු තානා­පති කාර්යාල මඟින් ද, ඉතිරි මුදල වූ අමෙ­රි­කන් ඩොලර් 27,800ක් මධ්‍යම සංස්කෘ­තික මුදල මඟින් ද දායක වීම­ටත් එකඟ වී තිබුණි.

ඒ අනුව 2023 දෙසැ­ම්බර් 31 දින වන විට අමෙ­රි­කානු ඩොලර් 28,754ක් ව්‍යාපෘ­ති­යට ලැබී තිබුණි. විදේශ ආධාර මුදල් බැර කළ යුතු ක්‍රම­වේ­දය වන 1994 අප්‍රේල් මස 20 දිනැති රාජ්‍ය ගිණුම් දෙපා­ර්ත­මේ­න්තුවේ චක්‍ර­ලේඛ අංක 30/94 හි 5.4 ඡේදය අනුව භාණ්ඩා­ගාර නියෝජ්‍ය ලේකම්ගේ ගිණු­මට බැර කළ යුතු වුවත්, 2023 නොවැ­ම්බර් 30 දිනැති අංක TO/GR/01/1//1/10/971 දරන භාණ්ඩා­ගාර මෙහෙ­යුම් දෙපා­ර්ත­මේ­න්තුවේ අධ්‍යක්ෂ ජන­රාල්ගේ ලිපිය අනුව ඉහත ප්‍රදා­නය මෙර­ටට ලබා ගැනී­මේදී තාක්ෂ­ණික දෝෂ­යක් ඇති­වන හෙයින් මෙම ප්‍රදා­නය ලබා ගැනීම සම්බ­න්ධ­යෙන් පම­ණක් වන පරිදි එම මුදල ඍජු­වම නිල බැංකු ගිණුම වන ලංකා බැංකුවේ ගිණු­මට ගෙන්වා ගැනී­මට අනු­මැ­තිය ලැබී ඇත.

එසේ අනු­මැ­ති­යක් ගෙන ඇතත් අර­මු­දලේ නිල බැංකු ගිණුම නොවූ වෙනත් බැංකු ගිණු­ම­කට මෙම මුදල් ලබා ගැනී­මට අර­මු­දල විසින් කට­යුතු කර ඇති බව ද එම වාර්තාවේ සඳ­හන් වෙයි.

අමෙ­රි­කානු තානා­පති අර­මු­දලේ ප්‍රධාන ලිපිය පරිදි කාර්ය සාධන කාල පරි­ච්ඡේ­දය 2022 සැප්තැ­ම්බර් 30 දින සිට 2024 නොවැ­ම්බර් 30 ලෙස දක්වා තිබේ. එම කාලය අව­සන් වී තිබුණ ද ව්‍යාපෘ­තියේ වැඩ අව­සන් වී නොති­බුණ අතර 2024 ජූලි 30 දින වන විට ලබා­ගත් ආධාර මුදල් වටි­නා­ක­මින් රුපි­යල් 7,483,594 මුද­ලක් අදාළ අර­මුණු සඳහා වැය කර නොති­බුණ බවද එම වාර්තාව මඟින් පෙන්වා දී ඇත.

ගාල්ල ගොඩ­වාය ගිලිණු යාත්‍රාවේ පුරා­වි­ද්‍යා­ත්මක වාර්තා­ක­ර­ණය සහ පුරා­වස්තු සංර­ක්ෂණ යෝජ­නාව ක්‍රියා­ත්මක කිරීම සඳහා වන විදේශ අර­මු­දල් තාක්ෂ­ණික දෝෂ­යක් මත මහා භාණ්ඩා­ගා­රයේ ගිණුම වෙත හුව­මාරු කිරී­මට නොහැකි වූ බැවින් මහා භාණ්ඩා­ගා­රයේ වාචික අනු­මැ­තිය මත මධ්‍යම සංස්කෘ­තික අර­මු­දලේ මහ­ජන බැංකු ඩොලර් ගිණු­මට බැර කර ගැනී­මට කට­යුතු කර ඇති අතර, මධ්‍යම සංස්කෘ­තික අර­මු­දල විසින් නැවත එම මුදල් භාණ්ඩා­ගාර නියෝජ්‍ය ලේකම්ගේ ගිණුම වෙත බැර කිරී­මට අවශ්‍ය කට­යුතු කර තිබෙන බව ද මේ සම්බ­න්ධ­යෙන් කළ­ම­නා­කා­රී­ත්වය විග­ණ­න­යට දැනුම් දී ඇත.