39
යාපනය, නෙල්ලිඅඩි විද්‍යාලයේ ශාරීරික අධ්‍යාපනය උගන්වන ගුරුවරයා හදිසියේම ක්ලාන්ත වී බිම ඇදවැටීමෙන් පසුව පෙරේදා (10) මියගොස් තිබේ. බාලක්‍රිෂ්ණන් තනිගයිවෙල් (47) නමැති මේ ගුරුවරයා ශාරීරික අභ්‍යාසවල නිරතව සිට නි‍ෙවසට පැමිණ ස්වල්ප වේලාවකට පසු මේ තත්ත්වයට මුහුණපා තිබේ. නි‍ෙවසේ ඥාතීන් වහා ඔහු පේදුරුතුඩුව මූලික රෝහලට රැගෙන ගොස් ඇතත් ඔහු ප්‍රතිකාර ලබමින් සිටි අතරවාරයේ මියගිය බව රෝහල් ප්‍ර‍කාශකයකු පැවසීය.
රෝහලේ වෛද්‍යවරුන් ප්රකාශ කර ඇත්තේ යාපනයට පවතින අධික රස්නය නිසා මේ ගුරුවරයා විජලනයට පත්ව සිට ඇති බවයි. මියගිය ගුරුවරයාගේ මෘත දේහය පශ්චාත් මරණ පරීක්ෂණ කටයුතු සඳහා යාපනය ශික්ෂණ රෝහලට රැගෙනවිත් තිබේ. නෙල්ලිඅඩි පොලීසිය සිද්ධිය සම්බන්ධයෙන් පරීක්ෂණ පවත්වාගෙන යයි.
