කඳ­පො­ළදී මෝටර් රිය ප්‍රපා­ත­ය­කට පෙරැළී පෙර පාසල් දැරි­යක් ඇතුළු තිදෙ­න­කුට තුවාල

නුව­ර­එ­ළිය, කඳ­පොළ සිට නුව­ර­එ­ළිය නග­රය දක්වා ධාව­නය වූ මෝටර් රථ­යක් මාර්ග­යෙන් ඉව­තට පැන අඩි 15ක් පමණ ප්‍රපා­තයේ ඇති තේ වත්තට පෙර­ළී­මෙන් මෝටර් රථයේ ගමන් ගත් පෙර­පා­සල් දැරි­යක්, ඇගේ මව සහ රියැ­දුරා තුවාල ලබා නුව­ර­එ­ළිය දිස්ත්‍රික් මහ රෝහල වෙත ඇතු­ළත් කර ඇතැයි නුව­ර­එ­ළිය පොලී­සිය පව­සයි. පෙරේදා (10) පස්වරු 3.00ට පමණ මේ අන­තුර සිදු වී ඇත්තේ නුව­ර­එ­ළිය කඳ­පොළ ප්‍රධාන මාර්ගයේ බොර­ලන්ද ප්‍රදේ­ශ­යේ­දීය. කඳ­පොළ සහ බොර­ලන්ද ප්‍රදේ­ශ­යට ඇද­හැ­ලුණු අධික වර්ෂා­වත් සමඟ ධාව­නය වෙමින් තිබූ මෝටර් රථය ලිස්සා ගොස් ප්‍රපා­ත­යට පෙරළී මේ අන­තුර සිදු වී ඇති බව පොලී­සිය කියයි.